TANINMIŞ TƏHSİL EKSPERTİ 10 İL ƏVVƏL DƏ MƏHKUM EDİLİBMİŞ

TANINMIŞ TƏHSİL EKSPERTİ 10 İL ƏVVƏL DƏ MƏHKUM EDİLİBMİŞ BAŞ PROKURORLUQDAN KAMRAN ƏSƏDOV VƏ “ŞƏRİKLƏRİ” İLƏ BAĞLI AÇIQLAMA

Ali məktəblərə qəbul və buraxılış imtahanlarında köçürməyə kömək edən texniki vasitələrin hazırlanması və satışı ilə bağlı cinayət işi üzrə istintaq tamamlanıb. Baş Prokurorluğun yaydığı məlumata görə, araşdırma zamanı 11 nəfərə imtahan zamanı qanunsuz köməklik göstərildiyi, Sumqayıtda isə 31 ədəd gizli dinləmə və ötürmə vasitəsinin icazəsiz satıldığı müəyyən edilib. Toplanan sübutlara əsasən, Gündüz Abbasov gizli məlumat əldə etmək üçün nəzərdə tutulan texniki vasitələri qanunsuz satmaq və vəzifə səlahiyyətlərindən sui-istifadə etməkdə ittiham olunub. Kamran Əsədova eyni qanunsuz fəaliyyətlərdə iştirak etmək və bu işə kömək göstərmək ittihamı irəli sürülüb. Sənan Hüseynov isə gizli texniki vasitələrin qanunsuz satışı ilə bağlı məsuliyyətə cəlb edilib.Onlardan Gündüz Abbasov barəsində həhs, digərləri barədə isə həbslə bağlı olmayan qətimkan tədbirləri seçilib. Cinayət işləri baxılması üçün məhkəmələrə göndərilib.Qeyd edək ki, Kamran Əsədov əvvəllər də Baş prokuror yanında Korrupsiyaya qarşı Mübarizə Baş İdarəsi tərəfindən Cinayət Məcəlləsinin müvafiq maddələri ilə cinayət məsuliyyətinə cəlb olunaraq məhkəməyə verilib. Məhkəmə onu cərimə və qazancının 15%-i dövlət nəfinə tutulmaqla 2 il müddətinə islah işləri cəzasına məhkum edilib.