ABŞ HÖRMÜZƏ GÖRƏ 20% ÖDƏNİŞ ALACAQ
ABŞ HÖRMÜZƏ GÖRƏ 20% ÖDƏNİŞ ALACAQ TRAMP İRANIN BLOKADASININ BƏRPA OLUNDUĞUNU ELAN EDIB
Hörmüz boğazı açıq qalacaq və ABŞ-ın onun təhlükəsizliyini təmin edəcək. Bunu ABŞ Prezidenti Donald Tramp özünün “Truth Social” hesabında yazıb. Bildirib ki, Hörmüz boğazı açıqdır və İranın istəyindən asılı olmayaraq açıq qalacaq. Biz “İran blokadası”nı bərpa edirik. Bu blokada yalnız İranın gəmilərinin və ya onun müştərilərinin boğazdan giriş-çıxışını məhdudlaşdırır. Bütün digər ölkələr Hörmüz boğazından sərbəst və ədalətli şəkildə istifadə edə biləcəklər”, – deyə ABŞ Prezidenti bildirib. Tramp qeyd edib ki, bundan sonra ABŞ özünü “Hörmüz boğazının mühafizəçisi” hesab edəcək. Lakin ədalət naminə təhlükəsizliyin təmin edilməsi üçün çəkilən bütün xərclərin əvəzi ödənilməlidir. Buna görə də boğazdan daşınan bütün yüklər üzrə 20 faiz həcmində ödəniş alınacaq. Bu prosesin formalaşdırılmasına dərhal başlanılacaq”, – deyə Tramp vurğulayıb.
