Azərbaycanın Avstraliyadan idxalı 115 dəfə artaraq 1 milyard dolları keçərək rekord vurub

2024-cü ilin ilk 10 ayı ərzində (yanvar-oktyabr) Azərbaycanın idxalında əsas ölkələr siyahısında Avstraliya 1 milyard 35 milyon 985 min dollar məbləğ ilə 4-cü yeri tutub. Bu dövrdə Azərbaycandan Avstraliyaya cəmi 114 min dollarlıq mallar ixrac edilib.

Bu barədə Biznes Tv Dövlət Gömrük Komitəsinin aylıq statistikasına istinadən xəbər verir.

Halbuki, 2023-cü ilin 10 ayı ərzində Avstraliyanın adı Azərbayanın idxalında əsas ölkələr siyahısında yox idi. 2023-cü ilin 10 ayında Azərbaycanın Avstraliyadan idxalı cəmi 9 milyon 4 min dollar olmuşdu, Azərbaycandan Avstraliyaya ixrac isə 29 milyon 208 min dollar təşkil etmişdi. Tam 2023-cü il ərzində isə Azərbaycanın Avstraliyadan idxalının həcmi cəmi 11 milyon 688 min dollar məbləğində qeydə alınmışdr.