KREDİT KARTLARINDA HANSI BANK DAHA SƏRFƏLİDİR?

Azərbaycanda bankların kredit kartları üzrə təklif etdiyi güzəşt müddəti 30 gündən 72 günə qədər dəyişir. Bu müddət ərzində kartdan nağdsız ödəniş üçün istifadə edən müştəri xərclədiyi vəsaiti geri qaytardıqda faiz ödəmir.Fed az xəbər verir ki, Ən uzun güzəşt müddətini “Unibank” – 72 gün təklif edir. “Yelo Bank” və “Rabitəbank”da bu müddət 70 gün, “ABB”, “Kapital Bank” və “Bank of Baku”da isə 60 gündür.“AccessBank”ın kredit kartlarında güzəşt müddəti kartdan asılı olaraq 30 və 45 gün təşkil edir. “PAŞA Bank” və “Xalq Bank”da 35 gün, “TuranBank”da isə 30 gün güzəşt müddəti müəyyənləşdirilib.Kredit kartlarının əsas üstünlüklərindən biri də vəsaitdən istifadə etdikdən sonra müəyyən müddət ərzində faiz ödəmədən borcu qaytarmaq imkanıdır. Güzəşt müddətinin şərtləri isə bank və kart məhsuluna görə dəyişir.