LƏĞV OLUNAN 19 BANKDA ƏMANƏTLƏRİN MƏBLƏĞİ AÇIQLANIB518 MİN HESABDA CƏMİ 1 MANAT VƏ YA DAHA AZ PUL OLUB
Azərbaycanda ləğv olunan 19 bankda əmanətlərin ümumi məbləği 2,36 milyard manat olub.
“Report” xəbər verir ki, bunu Əmanətlərin Sığortalanması Fondundan bildirilib. Məlumata görə,bütün ləğv prosesində olan 19 bank üzrə ümumilikdə 651 768 əmanətçi olub.Əmanətlərin ümumi məbləği 2 milyard 364 milyon 255 min manat təşkil edib. Bu əmanətçilərdən 63 min 888-nə ödəniş həyata keçirilib. Ümumi əmanətlərin 1 milyard 761 milyon 564 min manatı qorunan, yəni sığortalanan və kompensasiya olunan əmanətlərdir. Həmin məbləğin 1 milyard 729 milyon 887 min manatı əmanətçilərə ödənilib ki, bu da 98 % təşkil edir.Əmanətçilərin sayına gəldikdə isə nəzərə almaq lazımdır ki, 518 min müştərinin hesabında qalıq 1 manat və ya ondan aşağı olub.Buna görə də əmanətçilərin ümumi sayı yüksək görünsə də, ödəniş alanların sayı nisbətən azdır.
