“Equinor” Azərbaycandakı aktivlərinin satışından 745 milyon dollar əldə edəcək
“Report”-un məlumatına görə, “Equinor” 29 noyabr və 6 dekabrda Azərbaycan və Nigeriyada hasilat aktivlərindən çıxmaq üzrə ümumi dəyəri 2 milyard dollara yaxın olan sövdələşmələri tamamlayıb. Bu məbləğin 745 milyon dolları Azərbaycan portfelinin satışından əldə edilib.
Şirkət, aktivlərin satılmasını neft-qaz portfelinin optimallaşdırılması strategiyasının bir hissəsi kimi dəyərləndirərək, uzunmüddətli mənfəəti təmin etmək üçün beynəlxalq portfelini fokuslaşdırmağa davam edəcəyini bildirib.
“Equinor”un Azərbaycanda SOCAR-a AÇG blokunda, BTC neft kəmərində və “Qarabağ” yatağında iştirak paylarının satışı ilə bağlı razılaşmaları 2023-cü ilin dekabrında bağlanıb və 2024-cü ilin ortalarında yekunlaşıb.
