ƏLAVƏ ÖDƏNİŞLƏR LƏĞV EDİLİR
POLİSLƏRİN MAAŞINDA DƏYİŞİKLİK
Polis əməkdaşlarının əməyinin ödənilməsi qaydalarında dəyişiklik edilir. FED.az xəbər verir ki, bununla bağlı “Polis haqqında” qanuna dəyişiklik təklif olunub. Hazırkı qanunvericiliyə əsasən, polis əməkdaşlarının əməkhaqqı vəzifə maaşı, xüsusi rütbə, xidmət illəri üzrə hesablanan əsas hissədən, həmçinin gecə saatlarına, bayram və istirahət günlərinə, eləcə də iş vaxtından artıq işləməyə görə əlavə ödənişlərdən ibarətdir. Bundan əlavə, onlara müxtəlif əlavə haqlar, birdəfəlik müavinətlər və digər ödənişlər də verilir. Təklif edilən dəyişikliklərə görə isə bu əlavə ödənişlərin bir hissəsi ləğv edilir. Belə ki, əsas maaş və qanunvericiliklə müəyyən edilən bəzi standart əlavələr- gecə, bayram və artıq iş saatlarına görə ödənişlər saxlanılsa da, digər əlavə haqlar, birdəfəlik müavinətlər və müxtəlif ödənişlər dayandırılır. Qeyd olunur ki, dəyişikliklər polis əməkdaşlarının təminat sisteminin yenidən tənzimlənməsini nəzərdə tutur.
