ABDOLBARI GOZALIN VƏFATINDAN 1 İL ÖTÜR

ABDOLBARI GOZALIN VƏFATINDAN 1 İL ÖTÜR AZƏRBAYCAN BİZNESİNƏ MÜHÜM TÖHFƏ VERƏN İŞ ADAMI YAD EDİLİR

Azərbaycanda özəl sektorun inkişafına mühüm töhfələr verən ,”Azərsun Holdinq”in qurucusu , məşhur iş adamı Abdolbari Gozalin vəfatından 1 il ötür. O,76 yaşında Dubayda vəfat edib. Qeyd edək ki, Abdulbari Gozəl 23 avqust 1949-cu ildə İranda anadan olub. Milliyətcə kürd olan Abdulbari Gozəl 1992-ci ildən etibarən Azərbaycan və Gürcüstanda fəaliyyətə başlayıb. O,Azərbaycanla yanaşı, İsveçrə və Dubayda neft və neft məhsullarının ticarəti ilə məşğul olan şirkətlərə sahib olub. Sahibkarlıq fəaliyyəti Ümummilli Lider Heydər Əliyev tərəfindən yüksək qiymətləndirilən Abdolbari Gozal, həmçinin Ulu Öndərin irsinin yaşadılması üçün həyata keçirilən bir çox layihənin təşəbbüskarıdır. Müasir Azərbaycanda özəl sektorun inkişafına mühüm töhfələr verən Abdolbari Gozal, 20 il öncə, iş adamları arasında ilk dəfə Azərbaycan Prezidenti tərəfindən “Tərəqqi” medalı ilə təltif edilib. Eyni zamanda, şirkətlər qrupunun rəhbəri 2016-cı ildə “Şöhrət” ordeni ilə mükafatlandırılıb. Həmcinin Prezident İlham Əliyevin Sərəncamı ilə “Heydər Əliyevin 100 illiyi” yubiley medalı ilə də təltif olunub.Onlarla yerli və qlobal mükafatlar alan xeyriyyəçi iş adamı “Qarabağ” Futbol Klubunun uzun müddət prezidenti və sonradan fəxri prezidenti olub.Daim işçi əməyini, insan kapitalını və sosial məsuliyyəti öndə tutan Abdolbari Gozali dərin hörmət və ehtiramla yad edirik…Allah rəhmət eləsin!