Agentlik: Bu il 65 startap özünü minimal işlək məhsul səviyyəsinə çatdırıb

Bu il Azərbaycanda 65 startap minimal işlək məhsul (MVP) səviyyəsinə çatıb.

Bunu Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin İnvestisiyalar və ekosistemə dəstək şöbəsinin müdiri Ağahüseyn Əhmədov qurumun cari il üzrə fəaliyyətinə həsr olunmuş hesabat tədbirində bildirib.

Onun sözlərinə görə, bu il bazara çıxış imkanlarının genişləndirilməsi məqsədilə 9 “Demo Day” tədbiri təşkil olunub. Bu tədbirlərdə 100-dən çox startap iştirak edib və onları 300-dən çox nümayəndə təmsil edib.