“AZƏRBAYCAN DƏMİR YOLLARI”NIN ZƏRƏRİ 18 DƏFƏ ARTIB

“AZƏRBAYCAN DƏMİR YOLLARI”NIN ZƏRƏRİ 18 DƏFƏ ARTIB QURUM MALİYYƏ GÖSTƏRİCILƏRİNİ AÇIQLADI

Azərbaycanın ən böyük dövlət şirkətlərindən olan «Azərbaycan Dəmir Yolları» QSC 2024-cü ilin maliyyə göstəricilərinin bir hissəsini açıqlayıb. Məlum olub ki,qurumun 2024-cü ildə xalis zərəri 1 milyard 819 milyon manat təşkil edib və bu göstərici 2023-cü illə müqayisədə 18 dəfə artıb. Şirkətin 2024-cü il üzrə ümumi gəlirləri 614 milyon manat olub və əvvəlki illə müqayisədə artım cəmi 12 milyon manat təşkil edib.Gəlirlərin əsas hissəsi 483 milyon manatla yük daşımalarının payına düşüb, sərnişin daşımalarından isə cəmi 11,7 milyon manat gəlir əldə olunub.2024-cü ildə ADY-nin əməliyyat xərcləri kəskin artaraq 2 milyard 464 milyon manata yüksəlib.Xərclərin əsas səbəbi 1 milyard 728 milyon manat həcmində aktivlərin dəyərsizləşməsi olub.İlin sonuna şirkətin yığılmış ümumi zərəri 6 milyard 263 milyon manata çatıb.Son bir ildə ADY-nin aktivləri 25 faiz azalaraq 4 milyard 464 milyon manata düşüb.Şirkətin pul vəsaitləri 2 dəfədən çox azalaraq 200 milyon manat təşkil edib.2024-cü ildə dövlət tərəfindən ADY-yə 1 milyard 865 milyon manat investisiya yatırılıb. Ümumilikdə indiyədək dövlətin ADY-yə yatırdığı vəsait 8,6 milyard manata çatıb.2025-ci ilin ilk 9 ayında da şirkət zərərlə işləməyə davam edib və zərər təxminən 60 milyon manat olub.