DƏLƏDUZLUQ QURBANLARINA MƏHKƏMƏ XƏBƏRDARLIĞI

Ali Məhkəmə vətəndaşların xəbəri olmadan rəsmiləşdirilən onlayn kreditlərlə bağlı hüquqi izah verib. Məhkəmədən bildirilib ki, dələduzluq qurbanı olmaq vətəndaşı kredit borcundan tam azad etmir. Şəxsiyyət vəsiqəsini, FİN kodu, SMS təsdiq şifrələrini və ya biometrik məlumatlarını başqasına verən şəxslər də hüquqi məsuliyyət daşıyırlar. Məhkəmə tək dələduzluq faktını deyil, vətəndaşın ehtiyatsızlığını və bankın qaydalara əməl etməsini birgə qiymətləndirir. Tövsiyə olunur ki,şəxsi və biometrik məlumatlarınızı, SMS kodları başqasına verməyin.Mobil nömrəniz dəyişdikdə dərhal banka xəbər verin.Şübhəli hallarda banka və hüquq-mühafizə orqanlarına müraciət edin.