DÜNYANIN ƏN KİÇİK ROBOTU HAZIRLANIB

DUZ DƏNƏSİNDƏN DƏ BALACADIR DÜNYANIN ƏN KİÇİK ROBOTU HAZIRLANIB

Alimlər duz dənəsindən də kiçik avtonom robot hazırlayıblar. ABŞ-nin Miçiqan Universitetində yaradılan bu robot hiss edir, düşünür və hərəkət edir, enerji sərfiyyatı isə cəmi 100 nanovatdır. Mayedə işləyə bilir, temperaturu ölçür və molekulların axınını dəyişərək irəliləyir. Tədqiqatçılar bildirirlər ki, bu texnologiya hüceyrə səviyyəsində sağlamlığın izlənməsi, erkən diaqnostika və gələcəkdə məqsədyönlü tibbi müdaxilələr üçün istifadə oluna bilər. Eyni zamanda mikroistehsal sahəsində də yüksək dəqiqlikli kiçik cihazların hazırlanmasına imkan verir.Qeyd edək ki, bu mikro-robotların gələcəkdə insan orqanizminin daxilində fəaliyyət göstərə və tibdə inqilabi dəyişikliklər yarada biləcəyi bildirilib.