“ELEKTRİK ENERJİSİNƏ TƏLƏBAT NÖVBƏTİ BEŞ İLDƏ 4 QİQAVAT ARTACAQ”
“ELEKTRİK ENERJİSİNƏ TƏLƏBAT NÖVBƏTİ BEŞ İLDƏ 4 QİQAVAT ARTACAQ” “AZƏRENERJİ”NİN SƏDR MÜAVİNİNDƏN AÇIQLAMA
Süni intellektin geniş inkişafı üçün böyük həcmdə, eləcə də etibarlı və dayanıqlı enerji lazımdır. Əgər hazırkı vəziyyətdə qalsaq, bütün tələbatı qarşılamaq baxımından 2030-cu ilə qədər enerji defisiti gözlənilə bilər. Buna görə də enerji istehsalını artırmağı planlaşdırırıq. Oxu.Az xəbər verir ki, bunu “Azərenerji” ASC-nin İdarə Heyətinin sədr müavini Rüstəm Qasımov WUF13 çərçivəsində Azərbaycan pavilyonunda keçirilən “Enerji sistemlərinin rəqəmsal arxitekturası” adlı tədbirdə deyib.O bildirib ki,hazırda 525 meqavat gücündə elektrik stansiyasının inkişaf etdirilməsi nəzərdə tutulur. Biz 2028-30-cu illər ərzində əlavə enerji istehsal gücü yaratmağı və perspektivdə təxminən 4 000 meqavatlıq yeni istilik enerjisi gücü formalaşdırmağı planlaşdırırıq.
Sədr müavini həmçinin bildirib ki,növbəti beş ildə regionda elektrik enerjisinə tələbatın təxminən 4 giqavat artacağı gözlənilir.
