“HYUNDAI” ZAVODUNDA ETİRAZ
“HYUNDAI” ZAVODUNDA ETİRAZ İŞÇİLƏR ROBOTLARA “YOX” DEDİ
Cənubi Koreyanın “Hyundai Motor” şirkətinin həmkarlar ittifaqı əməkdaşların razılığı olmadan humanoid robotların istehsalatda istifadəsinə qarşı çıxıb.“İşçilər və rəhbərlik arasında razılaşma olmadan heç bir humanoid robot istehsal xətlərinə buraxılmayacaq”, – deyə təşkilatdan bildirilib. Həmkarlar ittifaqı, Las-Veqasda keçirilən CES 2026 sərgisində təqdim olunan “Atlas” robotunun işçilərin iş imkanlarına təsir edə biləcəyindən narahatdır. Robot gündə 18–24 saat işləyə bilir, qiyməti 136 min dollar, illik texniki xidmət xərcləri isə 9 500 dollar təşkil edir. Adi işçilərə isə ildə təxminən 88 min dollar xərclənir və onların iş günü 8–10 saatdır. Qeyd edək ki, “Hyundai Motor” səhmləri ilin əvvəlindən bəri 70 faizdən çox bahalaşıb. Sərmayədarlar süni intellektin və robot texnologiyasının inkişafı sayəsində xərclərin azalacağına, məhsuldarlığın isə artacağına inanırlar.
