MÜHARİBƏDƏN ZƏRƏR GÖRƏN ÖLKƏLƏRƏ 5 MİLYARD AVRO AYRILACAQ

SİYAHIDA AZƏRBAYCAN DA VAR MÜHARİBƏDƏN ZƏRƏR GÖRƏN ÖLKƏLƏRƏ 5 MİLYARD AVRO AYRILACAQ

Avropa Yenidənqurma və İnkişaf Bankı 2026-cı ildə Yaxın Şərqdə münaqişədən zərər görən ölkələrin iqtisadiyyatına dəstək məqsədilə 5 milyard avro ayırmağı planlaşdırır. Bu barədə bankın açıqlamasında bildirilib.

Məlumata görə, proqram münaqişədən birbaşa zərər çəkən İraq, İordaniya və Livan, eləcə də təsirlərlə üzləşən Misir, Türkiyə, Azərbaycan və Ermənistan kimi ölkələri əhatə edəcək.Qeyd olunur ki, proqram iki mərhələdən ibarət olacaq. Birinci mərhələdə iqtisadi sabitliyin qorunması, maliyyə sektorunun dəstəklənməsi və əsas xidmətlərin fasiləsizliyi təmin ediləcək. İkinci mərhələdə isə zərər görmüş iqtisadiyyatların bərpası və davamlı inkişafı üçün şərait yaradılacaq.