“PEGASUS”UN ZƏRƏRİ 3 DƏFƏYƏ YAXIN ARTDI

“PEGASUS”UN ZƏRƏRİ 3 DƏFƏYƏ YAXIN ARTDI YANACAQ VƏ TEXNİKİ XƏRCLƏR MALİYYƏ NƏTİCƏLƏRİNİ PİSLƏŞDİRDİ

Türkiyənin aşağı büdcəli aviaşirkəti – “Pegasus” 2026-cı ilin I rübündə 153 milyon avro zərər edib.”Report” Türkiyə mətbuatına istinadən xəbər verir ki, bu, 2025-ci ilin eyni dövrü ilə müqayisədə 2,5 dəfə çoxdur.

Yanvar-mart aylarında “Pegasus”un əsas satış gəlirləri 1 il əvvələ nisbətən 3 % çox – 642 milyon avro olsa da, əsas satışının maya dəyəri11 % artımla 750 milyon avro təşkil edib.3 ayda aviaşirkət 9,8 milyon sərnişin daşıyıb ki, bu da illik müqayisədə 9 % çoxdur. O cümlədən, sərnişin axını daxili reyslərdə 15 %, xarici reyslərdə isə 5 % artıb. Təyyarələrin ümumi doluluq nisbəti 86,3 % olub.Bununla belə, digər xərclərlə birlikdə isə aviaşirkətin vergiyəqədərki mənfəəti cəmi 3 milyon avro olub. Son nəticədə ümumi zərər kəskin artıb. Bu məsələdə yüksək geosiyasi gərginlik fonunda yanacaq qiymətlərinin və texniki xidmət xərclərinin artması, bazar şərtlərinin çətinləşməsi xüsusi rol oynayıb.Xatırladaq ki, “Pegasus” Yaxın Şərqdə baş verən hadisələrlə əlaqədar fevralın sonundan Səudiyyə Ərəbistanındakı iki şəhərə və Oman istisna olmaqla, digər istiqamətlərə uçuşları dayandırmışdı. Mayın ilk həftəsindən başlayaraq İraq, Livan, İordaniya və Birləşmiş Ərəb Əmirliklərinə uçuşlar mərhələli şəkildə bərpa edilib.