PENSİYA STAJI QAYDALARINDA DƏYİŞİKLİK

PENSİYA STAJI QAYDALARINDA DƏYİŞİKLİK GÜNDƏMDƏ KONSTİTUSİYA MƏHKƏMƏSİ QƏRAR VERDİ

Gələcəkdə xüsusi dövlət qulluğunda xidmət illəri ümumi dövlət qulluğu pensiya stajına daxil edilə bilər. Trend-in məlumatına görə, bununla bağlı tövsiyə Konstitusiya Məhkəməsinin müvafiq qərardadın da öz əksini tapıb. Sənəddə qeyd olunur ki, pensiya hesablanarkən xüsusi dövlət qulluğunda çalışan şəxslərin xidmət illərinin adi dövlət qulluğu üzrə pensiya stajında nəzərə alınması, eyni zamanda adi dövlət qulluğunda işlənmiş illərin də xüsusi dövlət qulluğu üzrə pensiya stajına daxil edilməsi məqsədəuyğundur. Bu sahədə tənzimləmənin təkmilləşdirilməsi üçün müvafiq tədbirlərin görülməsi Nazirlər Kabinetinə tövsiyə edilib. Bildirilir ki, sözügedən qayda və şərtlər Nazirlər Kabinetinin müvafiq qərarı ilə müəyyən edilir.