PREZİDENT İLHAM ƏLİYEVİN SOSİAL MEDİA HESABINDA PAYLAŞIM

PREZİDENT İLHAM ƏLİYEVİN SOSİAL MEDİA HESABINDA PAYLAŞIM WUF13-ÜN BÜTÜN İŞTİRAKÇILARINI UĞURLU TƏDBİR MÜNASİBƏTİLƏ TƏBRİK EDİRİK

Azərbaycan COP29-dan sonra ölkədə keçirilən ikinci ən böyük beynəlxalq tədbir olan WUF13 kimi daha bir mühüm qlobal tədbirə ev sahibliyi etmək şərəfinə nail oldu. Biz bütün iştirakçıları, tərəfdaşları və BMT ailəsini, xüsusilə də UN-Habitat-ı uğurlu və nəticəyönümlü WUF13 münasibətilə təbrik edirik.Bu sözlər Prezident İlham Əliyevin sosial media hesabında WUF13-lə bağlı edilən paylaşımında yer alıb.Paylaşımda deyilir ki, təxminən 60 min iştirakçının rekord sayı ilə WUF13 tarixə ən böyük Ümumdünya Şəhərsalma Forumu kimi düşdü. Aparılan zəngin və hərtərəfli müzakirələr iki mühüm yekun sənədin — Sədrin Xülasəsi və “Bakı Fəaliyyətə Çağırış” sənədinin qəbul olunması ilə nəticələndi. Urbisid, kultursid və ekosidin qurbanı olmuş ölkə kimi Azərbaycan hazırda Qarabağ və Şərqi Zəngəzurda 9 şəhəri və yüzlərlə kəndi sıfırdan yenidən qurur. Bu səylər dünyanın digər post-münaqişə bölgələri üçün dəyərli nümunə kimi vurğulanır.