Yeni nəsil kassa aparatları ilə dövriyyə 20 mlrd. manata yaxınlaşıb
2024-cü ilin yanvar-noyabr aylarında yeni nəsil nəzarət-kassa aparatları (NKA) vasitəsilə qeydə alınan dövriyyə 19 milyard 808,3 milyon manat təşkil edib. Bu, 2023-cü ilin müvafiq dövrü ilə müqayisədə 2,2 milyard manat və ya 11,5% çoxdur.
Bu barədə məlumat BiznesTV İqtisadiyyat Nazirliyi yanında Dövlət Vergi Xidmətinə istinadən yaydığı xəbərdə yer alıb.
Bildirilib ki, 2024-cü ilin 1 dekabr tarixinə qədər ölkə ərazisində 103.419 ədəd yeni nəsil nəzarət-kassa aparatı quraşdırılıb.
Bu rəqəmlər ölkədə elektron nəzarət mexanizmlərinin genişləndirilməsi və rəqəmsal iqtisadiyyatın inkişafı istiqamətində atılan addımların uğurlu nəticələrini göstərir.
