Bakıda Kipr Mətbəxini Təqdim Edən “Hellim” Restoranı açıldı
2 noyabr 2024-cü il tarixində Ağ Şəhərdə yerləşən Hellim Restoranının rəsmi açılışı baş tutdu. Kıbrıs mətbəxinin Azərbaycanda tanıdılması məqsədilə yaradılan bu restoran, həm Kıbrıs Türk mədəniyyətini, həm də zəngin mətbəxini Bakıya gətirir.
Hellim Restoranlar MMC-nin direktoru və həmtəsisçisi bildirib ki, bu layihə sadəcə restoran açılışı deyil, iki qardaş ölkə arasındakı ticarət əlaqələrini möhkəmləndirməyi və Kıbrıs mətbəxini Azərbaycan cəmiyyətinə tanıtmağı hədəfləyir: “Biz bu işə bir missiya kimi baxırıq. İki ölkə arasında qardaşlıq bağlarını daha da gücləndirmək istəyirik. Bu günkü açılışda böyük dəstək görmək bizi çox sevindirir.”
Tədbirdə iştirak edən Şimali Kipr Türk Respublikasının Bakıdakı nümayəndəliyinin rəhbəri Ufuk Turganer isə bu təşəbbüsün iki ölkə arasında əlaqələri zənginləşdirəcəyini vurğulayıb: “Kıbrıs mətbəxinin, mədəniyyətimizin Azərbaycanda tanıdılması çox önəmlidir. Bu layihənin həm ticari əlaqələrə, həm də mədəni yaxınlaşmaya böyük töhfə verəcəyinə inanırıq.”
Hellim Restoranlar MMC-nin digər həmtəsisçisi Orhan Eronen isə Kıbrıs mətbəxinin tam mənada ilk dəfə xaricdə təmsil edildiyini qeyd edərək bildirib ki, yaxın zamanda daha çox filial açmaq və restoranın fəaliyyətini genişləndirmək hədəfləri var. Restoranda Kıbrıs və Azərbaycan mətbəxlərinin füzyon yeməkləri təqdim ediləcək.
Hellim Restoranının açılışı ilə bağlı daha ətraflı məlumat üçün aşağıdakı linkə keçid edə bilərsiniz: YouTube linki : “Hellim Restoranının Açılışı
