AZƏRBAYCANIN 5 AYLIQ BÜDCƏ GÖSTƏRİCİLƏRİ AÇIQLANIB
GƏLİRLƏR PROQNOZU ÜSTƏLƏDİ
AZƏRBAYCANIN 5 AYLIQ BÜDCƏ GÖSTƏRİCİLƏRİ AÇIQLANIB
2026-cı ilin ilk 5 ayında Azərbaycanın xəzinədarlıq orqanları 501 mindən çox ödəniş tapşırığını icra edib. Bu göstərici ötən ilin eyni dövrü ilə müqayisədə 8,9 faiz azdır.Maliyyə Nazirliyinin məlumatına görə, yanvar-may aylarında icmal büdcənin gəlirləri 19,9 milyard manata, xərcləri isə 15,6 milyard manata çatıb.Bu dövrdə dövlət büdcəsinə 16,4 milyard manat daxil olub ki, bu da proqnozdan 1,6 faiz çoxdur. Büdcə xərcləri isə 13,4 milyard manat təşkil edib və proqnozdan 3,4 faiz az olub.Nəticədə ilk 5 ayda icmal büdcədə 4,3 milyard manat, dövlət büdcəsində isə təxminən 3 milyard manat profisit – yəni artıq vəsait yaranıb.Büdcə gəlirlərinin əsas hissəsi vergi daxilolmaları, gömrük ödənişləri və Dövlət Neft Fondundan ayrılan transfertlər hesabına formalaşıb.
