KONYAKDAN GÜLƏ QƏDƏR GENİŞ MƏHSUL SİYAHISI
BAKI VƏ YEREVAN ARASINDA TİCARƏT DANIŞIQLARI APARILIR
Bakı və Yerevan arasında Ermənistandan ixracın bərpası ilə bağlı danışıqlar aparılır. Məsələ ətrafında tərəflər arasında işgüzar təmaslar davam edir. İxracı mümkün olan məhsullar sırasında alüminium folqa və onun xammalı, ferromolibden, ev heyvanları, konyak xammalı, tütün və tekstil məhsulları yer alır. Azərbaycan şirkətləri də prosesdə maraqlı tərəf kimi çıxış edərək, konkret məhsulların idxalına üstünlük verdiklərini bildiriblər. Ermənistan tərəfi ixrac edə biləcəkləri məhsulların siyahısını təqdim edib. Siyahıya, həmçinin gül və istixana məhsulları – pomidor və bibər də daxildir.Bu barədə Ermənistanın iqtisadiyyat naziri Gevorg Papoyan məlumat verib. Onun sözlərinə görə, tərəflər arasında müzakirələr davam edir və qarşılıqlı maraq doğuran sahələr üzrə əməkdaşlığın genişləndirilməsi imkanları nəzərdən keçirilir.
