SİYAHIDA AZƏRBAYCAN DA VAR
75 ÖLKƏNİN VƏTƏNDAŞINA VİZA VERİLMƏYƏCƏK
ABŞ 75 ölkə üzrə immiqrant vizalarının verilməsini dayandırır. Dövlət Departamentindən bildirilib ki, qərar sosial yardım sistemindən yüksək səviyyədə istifadə edən ölkələrə şamil olunur. Qeyd edilib ki, ABŞ hökuməti yeni gələn immiqrantların dövlət büdcəsinə yük yarat- mayacağına əmin olana qədər viza prosesi dondurulacaq. Siyahıda post-sovet ölkələrindən Rusiya, Qazaxıstan, Özbəkistan, Qırğızıstan, Ermənistan, Belarus, Moldova və Azərbaycanın da adı var. Qərar yanvarın 21-dən qüvvəyə minəcək və qeyri-müəyyən müddətə kimi davam edəcək.
