TƏKCƏ MEYDANDA YOX, MALİYYƏ GÖSTƏRİCİLƏRİNDƏ DƏ ÖNDƏDİR
“REAL MADRID” ARDICIL ÜÇÜNCÜ DƏFƏ DÜNYANIN ƏN VARLI KLUBU OLDU
“Real Madrid” futbol meydanında olduğu kimi, maliyyə sahəsində də liderliyini qoruyur. Oxu.Az xəbər verir ki, Madrid təmsilçisi ardıcıl üçüncü ildir dünyanın ən çox gəlir gətirən futbol klubu adını saxlayır. Klub 2025-ci ildə 1 milyard 161 milyon avro gəlir əldə edərək bir daha rəqiblərini geridə qoyub. Bu göstərici “Real Madrid” tarixində ikinci dəfə milyard həddinin aşılması deməkdir və klub üçün yeni maliyyə rekordu sayılır. Ulduz futbolçular, uğurlu idman nəticələri, kommersiya layihələri və qlobal brend gücü “kral klubu”nu təkcə meydanda deyil, biznesdə də məğlubedilməz edir. https://oxu.az/idman/real-madrid-ardicil-ucuncu-defe-dunyanin-en-varli-klubu-olub
