AVROPADA BÖYÜK ƏMƏLİYYAT
1,2 MİLYARD AVROLUQ SAXTA PUL ŞƏBƏKƏSİ İFŞA EDİLDİ
Avropolun koordinasiyası ilə keçirilən genişmiqyaslı əməliyyat zamanı təxminən 1,2 milyard avro dəyərində saxta əskinas ələ keçirilib.Bu barədə qurumun açıqlamasında bildirilib. Rumıniyada 4,8 milyondan çox saxta avro və Çindən göndərildiyi iddia olunan 223 min əskinas aşkarlanıb. Portuqaliya, Böyük Britaniya və ABŞ-nin birgə əməliyyatlarında isə 220 mindən çox saxta avro, funt və dollar müsadirə olunub.Avropolun məlumatına görə, hüquq-mühafizə orqanlarının əməkdaşları 2025-ci ilin iyunundan noyabr ayına qədər davam edən əməliyyat zamanı saxta valyuta olan 379 poçt göndərişini müsadirə ediblər. Ümumilikdə 7 milyondan çox saxta valyuta vahidi dövriyyədən çıxarılıb.Əməliyyata 14 Aİ ölkəsi ilə yanaşı Türkiyə, Serbiya, Böyük Britaniya və ABŞ da qatılıb. Avropol saxta pulla mübarizədə Çinlə əməkdaşlığı genişləndirməyi planlaşdırır.
