ORXAN NƏZƏRLİ VƏ DAHA 3 RƏİSƏ ALİ XÜSUSİ RÜTBƏLƏR VERİLDİ
VERGİ SİSTEMİNİN İNKİŞAFINDA XİDMƏTLƏRİNƏ GÖRƏ TƏLTİF OLUNDULAR
Prezident İlham Əliyev İqtisadiyyat Nazirliyi yanında Dövlət Vergi Xidmətinin əməkdaşlarına ali xüsusi rütbələrin verilməsi haqqında sərəncam imzalayıb. Sərəncamla Dövlət Vergi Xidmətinin rəisi Orxan Faiq oğlu Nəzərliyə “2-ci dərəcəli dövlət vergi xidməti müşaviri”, daha 3 nəfərə isə “3-cü dərəcəli dövlət vergi xidməti müşaviri” ali xüsusi rütbəsi verilib. Dövlət başçısı İqtisadiyyat Nazirliyi yanında Dövlət Vergi Xidməti işçilərinin təltif edilməsi haqqında da sərəncam imzalayıb. Sərəncama əsasən, vergi sisteminin inkişafında xidmətlərinə görə 1 nəfər “Tərəqqi”, 9 nəfər 1-ci dərəcəli “Vergi orqanlarında xidmətdə fərqlənməyə görə”, 2 nəfər 3-cü dərəcəli “Vergi orqanlarında xidmətdə fərqlənməyə görə” medalları ilə təltif olunub.
