ŞƏHƏR SƏMASINDA “500” RƏQƏMİ VƏ ŞİRKƏT LOQOSU
TÜRK HAVA YOLLARI MÖHTƏŞƏM YUBİLEY UÇUŞU ETDİ
Türk Hava Yolları 500-cü təyyarəsinin istismara verilməsini xüsusi uçuşla qeyd edib. Aviaşirkətin donanmasına daxil olan Airbus A350-900 İstanbuldan qalxaraq yenidən İstanbula enən 2 saat 46 dəqiqəlik xüsusi reys həyata keçirib. THY500 çağırış nişanı ilə uçan təyyarə şəhər səmasında “500” rəqəmini və şirkətin loqosunu təsvir edib. Yubiley təyyarəsi xüsusi rəngləmə dizaynı ilə seçilir. Onun üzərində Turkish Airlines-in hazırkı bütün əməkdaşlarının fotoları yerləşdirilib. Bu addım aviaşirkətin 500 təyyarəlik donanmaya çatmasında payı olan əməkdaşlara ehtiram əlaməti kimi dəyərləndirilir.
