SÜRÜCÜLƏRƏ XOŞ XƏBƏR

SÜRÜCÜLƏRƏ XOŞ XƏBƏR
SAXLANILAN AVTOMOBİL ÖDƏNİŞDƏN DƏRHAL SONRA SAHİBİNƏ QAYTARILACAQ

Duracağa aparılıb saxlanılan avtomobil üçün müəyyən olunan ödəniş edildikdən dərhal sonra maşın sahibinə qaytarılacaq. Bu məsələ Milli Məclis-də müzakirə olunub və “Yol hərəkəti haqqında” qanuna dəyişiklik kimi qəbul edilib. Modern.az xəbər verir ki, yeni qaydalara görə avtomobil duracağa aparılıbsa, sahibi yalnız daşıma və saxlanma haqqını ödəyir, maşın dərhal geri verilir. Saxlanma haqqı avtomobilin duracağa gətirildiyi gündən sonrakı gün saat 00:00-dan hesablanır. Əgər avtomobil qanunsuz saxlanılıbsa və ya saxlanma zamanı zərər dəyibsə, sahibi şikayət edə və məhkəməyə müraciət edə bilər. Əgər cərimə və ya inzibati xəta ləğv olunarsa, ödənilən pul sahibinə geri qaytarılacaq. Qeyd edək ki, hazırda avtomobil duracağa aparıldıqdan sonra dərhal qaytarılma məcburiyyəti yoxdur və sahiblər bəzən günlərlə gözləməli olur, hətta ödənişi etsələr belə.