BU KƏŞF ÖLKƏ İQTİSADİYYATINI DİRÇƏLDƏ BİLƏR

BU KƏŞF ÖLKƏ İQTİSADİYYATINI DİRÇƏLDƏ BİLƏR
CƏNUBİ AMERİKADA NƏHƏNG QIZIL YATAĞI AŞKARLANIB

Cənubi Amerika ölkəsi olan Surinamda Kanadanın dağ-mədən şirkəti tərəfindən aparılan qazıntı işləri nəticəsində sənaye standartlarından qat-qat yüksək saflığa malik nəhəng qızıl damarı aşkar edilib. Mütəxəssislərin fikrincə, bu kəşf ölkə iqtisadiyyatını tamamilə dirçəldə bilər. “Founders Metals” şirkətinin Maria Geralda sahəsində apardığı qazıntılarda 22,5 metr dərinlikdə hər tonda 11,88 qram qızıl aşkar edilib. Dağ-mədən sektorunda hər tonda 10 qram qızıl “yüksək keyfiyyət” həddi hesab olunur ki, bu kəşf həmin limiti də keçib. Qeyd edək ki, qızıl yatağı dünyanın ən zəngin mədən qurşaqlarından biri sayılan və 1,7 milyard illik geoloji keçmişə malik “Guiana Shield” bölgəsində yerləşir.