32 MİN MANAT TƏZMİNAT ÖDƏYƏCƏK

32 MİN MANAT TƏZMİNAT ÖDƏYƏCƏK
MƏHKƏMƏ TANINMIŞ CƏRRAH BARƏDƏ QƏTNAMƏ QƏBUL ETDİ

Tanınmış plastik-cərrah Ülviyyə Ağazadə “Azər-Türk Med”də gerçəkləşən əməliyyat zamanı sağlamlığına zərər vurduğu pasiyentinə 31 718 manat təzminat ödəyəcək.Bizim.Media xəbər verir ki, bununla bağlı məhkəmə qətnamə qəbul edib. Məlum olub ki, Ülviyyə Ağazadənin icra etdiyi əməliyyatdan sonra xəstənin vəziyyəti ağırlaşıb və o, “Azər-Türk Med”dən başqa bir özəl klinikaya köçürülüb. Qadın buradakı müalicəsinə 27 000 manat civarında pul xərcləyib. İş materiallarında pasiyent üzərində icra edilən bir neçə cərrahiyyə əməliyyatının taktiki və texniki cəhətdən düzgün yerinə yetirilmədiyi qeyd olunub. Qeyd edək ki, Ülviyyə Ağazadə də qarşılıqlı iddia qaldırıb. O, pasiyentin mövcud hadisə ilə bağlı KİV-dəki açıqlamalarını onun şərəf, ləyaqət və işgüzar nüfuzunu ləkələyən məlumatlar hesab edilməsini, bu səbəbdən mənəvi zərərin əvəzi olaraq qarşı tərəfdən 3 000 manat tutulmasını xahiş edib. Məhkəmə Ülviyyə Ağazadənin tələbini rədd edib.