60 MANATLIQ ŞİRKƏT 3 MİLYONLUQ TENDERİ UDDU
60 MANATLIQ ŞİRKƏT 3 MİLYONLUQ TENDERİ UDDU
TƏHSİL NAZİRLİYİ “EDUMEDİA-AZƏRBAYCAN”I QALİB ELAN ETDİ
Təhsil Nazirliyi nəzdində Təhsil Sisteminin İnformasiyalaşdırılması İdarəsi rəqəmsal həllərin formalaşdırılması, modernləşdirilməsi və dayanıqlı fəaliyyətinin təmin edilməsi xidmətləri üzrə keçirdiyi tenderin nəticəsini açıqlayıb. FED.AZ-ın məlumatına görə tenderin qalibi “EDUMEDİA-AZƏRBAYCAN” şirkəti seçilib. Qalib şirkətlə 3 221 819 manat məbləğində müqavilə imzalanıb. Qeyd edək ki, tenderin ehtimal olunan qiyməti 3 416 602 manat təşkil edirdi. Məlumat üçün bildirək ki, “EDUMEDİA-AZƏRBAYCAN” MMC qurumun yeni informasiya sistemlərinin yaradılması və mövcud sistemlərin təkmilləşdirilməsi ilə bağlı 1 646 196 manatlıq tenderinin də qalibi olub. Qeyd edək ki, “Edumedia-Azərbaycan” MMC 2011-ci ildə yaradılıb, nizamnamə kapitalı 60 AZN təşkil edir.
