197 MİN MANATLIQ TENDER LƏĞV EDİLDİ

March 16, 2026

197 MİN MANATLIQ TENDER LƏĞV EDİLDİ
AQRAR UNİVERSİTETİN TƏLƏBƏLƏRİ İZMİRƏ GEDƏ BİLMƏDİ

Azərbaycan Dövlət Aqrar Universitetinin aviabiletlərin alınması ilə bağlı keçirdiyi tenderin nəticəsi ləğv edilib. Universitet 2026-cı il üçün təxminən 197 min 857 manat dəyərində aviabilet almağı planlaşdırırdı. Bu biletlərin əsasən Türkiyənin İzmir şəhərində keçiriləcək tədbirlərdə iştirak üçün nəzərdə tutulduğu bildirilirdi. Plana görə, əvvəlcə universitet rəhbərliyi üçün 8 gediş-gəliş bileti alınmalı, daha sonra bu say 16-ya çatdırılmalı idi. Həmçinin mərhələlərlə tələbələrin də səfərə göndərilməsi nəzərdə tutulurdu. Tender isə iştirakçı sayının kifayət qədər olmamasına görə ləğv edilib. Belə ki, qanuna görə müsabiqədə ən azı 3 şirkət iştirak etməlidir, lakin bu tələb yerinə yetirilməyib.