ŞİRKƏTİN SƏHMLƏRİ UCUZLAŞDI

ŞİRKƏTİN SƏHMLƏRİ UCUZLAŞDI
“META” İŞÇİLƏRİN 20%-Nİ İXTİSAR EDƏ BİLƏR

Texnologiya nəhəngi “Meta Platforms” süni intellekt layihələrinə böyük xərcləri kompensasiya etmək üçün kütləvi ixtisarları nəzərdən keçirir. Reuters-in məlumatına görə, şirkət işçi heyətinin 20%-dən çoxunun ixtisarını müzakirə edir. Qeyd olunur ki, “Meta” bu addımı süni intellekt infrastrukturu üçün artan xərcləri azaltmaq və AI texnologiyalarının gətirdiyi səmərəlilikdən istifadə etmək məqsədilə planlaşdırır. Eyni zamanda şirkətin “Avocado” adlı yeni süni intellekt modelinin buraxılışını da təxirə saldığı bildirilir. Məlumata görə, modelin performansı OpenAI, Anthropic və Alphabet şirkətlərinin hazırladığı texnologiyalarla müqayisədə zəif nəticə göstərib. Xəbərlərin təsiri ilə “Meta”nın səhmləri 3,8% ucuzlaşaraq 613,71 dollara düşüb.