İRANDAN MÜHARİBƏNİN BİTMƏSİ ÜÇÜN 3 ŞƏRT
“BU, XALQIMIZIN, RƏHBƏRİN VƏ SİLAHLI QÜVVƏLƏRİMİZİN QƏRARIDIR”
İranın ali dini lideri Müctəba Xameneinin hərbi müşaviri, SEPAH-ın keçmiş komandanı və Məsləhət Şurasının üzvü Möhsün Rzayi müharibənin dayandırılması üçün üç şərt açıqlayıb.”Report”un məlumatına görə, Rzayi bu barədə İran Dövlət Televiziyasının Xəbər Şəbəkəsinə geniş müsahibəsində danışıb. O bildirib ki, müharibə dəymiş ziyan ödənilənə, bütün iqtisadi sanksiyalar aradan qaldırılana və ABŞ-nin İranın daxili işlərinə qarışmayacağına dair zəmanət alınana qədər davam edəcək.
“Bu, xalqımızın, rəhbərin və silahlı qüvvələrimizin qərarıdır”, – deyə hərbi müşavir deyib və əlavə edib ki, ABŞ “47 il ərzində İran iqtisadiyyatına zərbə vurub” və onun inkişafına mane olub.
O iddia edib ki, ABŞ neft ehtiyatları ilə birlikdə Buşehr, Xuzistan və İlamı -yəni İranın əyalətlərini Venesuela kimi mənimsəmək istəyir.Xatırladaq ki, ABŞ və İsrail 28 fevralda İrana qarşı birgə əməliyyat başladıb.
