MASAZIRDA EVLƏRİ SU BASMASININ SƏBƏBİ
TƏBİƏTƏ QARŞI ÇIXILIB, O DA İNSANLARDAN “QİSAS” ALIB
Abşeron rayonu, Masazır qəsəbəsindəki bu göl son 8 il ərzində məqsədyönlü şəkildə qurudulub və insanlara ev tikmək üçün satılıb. Nəticədə burada son 4 ildə evlər tikilməyə başlanıb. Təbii ki, müvafiq qurumlar bu prosesə “göz yumub”. Peyk şəkillərindən də görünür ki, hazırda göl tamamilə qurudulub və üzərində yüzlərlə insan yaşayır. Yağış yağanda isə göl yenidən su ilə dolur və nəticədə evlər su altında qalır. Müvafiq qurumlar isə ağzına su alıb, dillənmir. Nəticədə əziyyət çəkən sadə vətəndaş olur.
