DƏQİQƏSİ 15 QƏPİK,SAATI 7 MANAT
ELEKTRİKLİ AVTOMOBİLLƏRİN İCARƏSİNƏ BAŞLANILDI
Bakıda “car-sharing” xidmətinin tətbiqinə başlanılır. Rentbutik mobil tətbiqi vasitəsilə istifadəçilərə BYD Seagull markalı elektrik avtomobillərin dəqiqəlik, saatlıq və aylıq icarəsi təklif olunacaq.Məlumata görə, layihə çərçivəsində gətirilən nəqliyyat vasitələri paytaxtın müxtəlif ərazilərində yerləşdiriləcək. İstifadəçilər tətbiq üzərindən ən yaxın avtomobili taparaq onu aktivləşdirə biləcəklər.Xidmət avtomobillərin fiziki açar olmadan, mobil telefon vasitəsilə idarə olunmasına imkan verir. İstifadəçilər tətbiq üzərindən avtomobili seçir, ödəniş edir və birbaşa istifadə etməyə başlayır.Qiymətə gəlincə avtomobil icarəsinin dəqiqəsi 15 qəpik,bir saatı isə 7 manatdır
Şirkət nümayəndələrinin bildirdiyinə görə, layihənin məqsədi fərdi avtomobil istifadəsinə alternativ yaratmaq, şəhərdaxili hərəkəti optimallaşdırmaq və nəqliyyat imkanlarını genişləndirməkdir.
Qeyd edək ki, “Rentbutik” tətbiqi 2025-ci ildən fəaliyyət göstərir. Aprel ayından etibarən isə platformaya elektrik avtomobillərin qısa müddətli icarə xidməti də əlavə olunacaq.
