“DÜŞMƏN İRANA QARŞI MÜHARİBƏDƏ SARSIDICI MƏĞLUBİYYƏTƏ UĞRAYIB”
ALİ TƏHLÜKƏSİZLİK ŞURASI AĞ EVİN QƏBUL ETDİYİ ŞƏRTLƏRİ AÇIQLADI
İranın Ali Milli Təhlükəsizlik Şurası ABŞ üzərində qələbə qazandıqlarına dair bəyanat yayıb və Ağ Evin qəbul etdiyi şərtləri açıqlayıb.”Fars” Xəbər Agentliyi xəbər verir ki, bəyanatda ABŞ Prezidenti Donald Trampın Tehranın 10bəndlik təklifini qəbul etdiyi iddia olunur.”Düşmən İran xalqına qarşı apardığı müharibədə sarsıdıcı məğlubiyyətə uğrayıb, İslam Respublikası Amerikanı 10 maddəlik planını qəbul etməyə məcbur edib”, – deyə bəyanatda bildirilib.Təhlükəsizlik Şurası İranın Ağ Evə təkliflərini də açıqlayıb.Bildirilib ki,bu planda Amerika təcavüz etməməyə, İranın Hörmüz boğazı üzərindəki nəzarətinin davam etməsinə, uranın zənginləşdirilməsini qəbul etməyə, bütün sanksiyaların ləğvinə, BMT Təhlükəsizlik Şurası və Atom Enerjisi üzrə Beynəlxalq Agentlikdə qəbul olunan bütün qətnamələrə son qoymağa, İrana dəymiş zərəri ödəməyə, ABŞ ordusunun bölgədən çıxarılmasına və bütün cəbhələrdə, o cümlədən Livanın islami müqavimətinə-“Hizbullah”a qarşı müharibəni dayandırmağa öhdəlik götürüb.Qeyd edək ki, ABŞ Prezidenti Donald Tramp Tehran tərəfindən Hörmüz boğazının tam, dərhal və təhlükəsiz şəkildə açılması şərti ilə İrana qarşı bombardmanları və hücumu iki həftəlik dayandırmağa hazır olduğunu açıqlayıb.Bu arada The Times of Israel nəşri Benyamin Netanyahunun açıqlamasına istinadən məlumat yayıb ki,mövcud razılaşma yalnız ABŞ–İran xəttinə aiddir və İsrailin Livan istiqamətində təhlükəsizlik tədbirlərinə heç bir məhdudiyyət qoymur.
