“ABŞ TAM VƏ QƏTİ QƏLƏBƏ QAZANIB”
TRAMP ÇİNLİ HƏMKARI İLƏ NİYƏ GÖRÜŞƏCƏK?
“Tam və qəti qələbə, 100 faiz və bu barədə heç bir şübhə yoxdur” .Bu sözləri Donald Tramp Agens Frans Presə telefonla qısa müsahibəsində deyib.İranla iki həftəlik atəşkəs razılaşması əldə edildikdən sonra ABŞ tam və qəti qələbə qazanıb deyə Tramp vurğulayıb. ABŞ lideri razılaşma pozularsa, İranın mülki elektrik stansiyalarını və körpülərini darmadağın etmək barədə ilkin təhdidlər barədə suala ətraflı cavab verməyərək “Bunu görməli olacaqsınız”deyib.
Onun sözlərinə görə, İranın zənginləşdirilmiş uranı məsələsi həll ediləcək.”İranı iki həftəlik atəşkəs razılaşması üçün danışıqlar masasına gətirməyə Çinin kömək etdiyinə inanıram”.
ABŞ prezidentinin çinli həmkarı Si Cinpinlə görüşmək üçün may ayında Pekinə səfər etməsi planlaşdırılır.
