İRAN HÖRMÜZ BOĞAZINI AÇMASA…
ABŞ-NİN VİTSE-PREZİDENTİNDƏN XƏBƏRDARLIQ
Tehran Hörmüz boğazını açmasa, Vaşinqton atəşkəs şərtlərinə əməl etmək niyyətində deyil. Bu barədə ABŞ-nin Vitse-prezidenti Cey. Di. Vens jurnalistlərə açıqlamasında bildirib. Vens həmçinin vurğulayıb ki, Vaşinqton Tehrana Livanın atəşkəs rejiminə daxil edilməsi ilə bağlı vəd verməyib və tərəflər arasında anlaşılmazlıq mövcuddur.Bu arada qeyd edək ki, ABŞ rəsmiləri Cey. Di. Vens, Stiv Uitkoff və Cared Kuşner həftəsonu İslamabadda İran nümayəndə heyəti ilə danışıqlar aparacaq. Ağ Evdən bildirilib ki, Pakistanın paytaxtında keçiriləcək görüşdə tərəflər regiondakı gərginlik fonunda mümkün razılaşmaları müzakirə edəcəklər.
