UCUZ TELEFON TAPMAQ ÇƏTİNLƏŞƏCƏK
SMARTFON BAZARINDAKI BAHALAŞMA NƏ İLƏ BAĞLIDIR?
Smartfon bazarında ucuz modellərin dövrü sona çatmaq üzrədir. Texnologiya mütəxəssislərinin son hesabatlarına görə, yaxın illərdə aşağı qiymətli telefonlar bazardan tamamilə yoxa çıxa bilər.Əsas səbəb isə yaddaş komponentlərinin bahalaşmasıdır. Telefonların qiymətinin artmasına təsir edən əsas amil daxili detalların, xüsusilə də yaddaş modullarının maya dəyərinin yüksəlməsidir. DRAM və NAND adlandırılan iki əsas yaddaş növünün qiyməti ciddi şəkildə artıb. Yaddaş komponentləri bahalaşdıqca, telefonun zavoddan çıxış qiyməti istehsalçı üçün sərfəli olmur.Bundan başqa istehsalçılar artıq gəlir gətirməyən ucuz modellərdən imtina edərək, daha çox orta və bahalı seqmentə fokuslanmağa başlayırlar.
