SAN-FRANSİSKODA İLK

SAN-FRANSİSKODA İLK
MAĞAZANI SÜNİ İNTELLEKT İDARƏ EDİR

San-Fransiskonun Kou Hollov məhəlləsində fəaliyyətə başlayan “Andon Market” adlı butikdə idarəetmə tamamilə “Luna” adlı süni intellekt agentinə həvalə edilib.Bu mağazada işçilərin işə qəbulundan tutmuş, mal alışına və qiymət siyasətinə qədər hər şey “Luna” ya tapşırılıb.
“Andon Labs” startapı tərəfindən yaradılan agentə 100 000 dollar büdcə və 3 illik icarə haqqı ödənilən məkan verilib. “Luna” satış təcrübəsi olmayan tələbələri işə götürməkdən imtina edib, iş yerində telefon istifadəsinə qadağa qoyub. Maraqlıdır ki, bəzi namizədlər müsahibə bitənə qədər qarşılarındakının insan deyil, neyron şəbəkə olduğunu anlamayıblar. Mağazada çalışan iki nəfər insan işçi faktiki olaraq süni intellektin rəhbərliyi altındadır. Luna onlara yalnız malların rəflərə düzülməsi və təmizlik işlərini tapşırıb. Alıcılar isə terminal vasitəsilə birbaşa onunLa ünsiyyət qura bilirlər .(görüntü teleqram)