“BU ADDIM BİZNES BAXIMINDAN SƏRFƏLİ OLARSA…”
“MERCEDES-BENZ” HƏRBİ TEXNİKA İSTEHSALINA BAŞLAYIR?
Almaniyanın məşhur avtomobil istehsalçısı “Mercedes-Benz” gələcəkdə müdafiə sənayesi üçün istehsalı genişləndirə bilər.
Röytersin məlumatına görə,
şirkətin baş direktoru Ola Källenius bildirib ki, əgər bu addım biznes baxımından sərfəli olarsa, şirkət hərbi və müdafiə təyinatlı texnikaların istehsalında daha fəal iştirak etməyə hazırdır.
Onun sözlərinə görə, avtomobil istehsalçılarının üstünlüyü yüksək keyfiyyətli və dəqiq texnika hazırlamaq bacarığıdır.
“Mercedes-Benz” artıq bu sahədə müəyyən təcrübəyə malikdir. Şirkət xüsusi təyinatlı G-Class avtomobilləri, eləcə də müdafiə məqsədli yük maşınları istehsal edir.Qeyd edək ki, son dövrlər Avropada hərbi xərclərin artması bir çox iri sənaye şirkətlərini müdafiə sektoruna yönəlməyə sövq edir.
