BAKI-NAXÇIVAN-BAKI UÇUŞLARINDA YENİLİK
“MYGOV” TƏTBİQİ VƏTƏNDAŞLRIN İŞİNİ ASANLAŞDIRACAQ

Bakı–Naxçıvan–Bakı marşrutu üzrə səyahət edən vətəndaşlar üçün yeni rəqəmsal qeydiyyat xidməti istifadəyə verilib. Artıq ölkədaxili uçuşlarda vətəndaşlar fiziki sənəd təqdim etmədən, “mygov” tətbiqi vasitəsilə şəxsiyyətlərini təsdiq edə biləcəklər. Heydər Əliyev Beynəlxalq Aeroportundan verilən məlumata görə yeni xidmət çərçivəsində qeydiyyat masasında yerləşdirilən QR kod mygov tətbiqi vasitəsilə skan edilir. Vətəndaş “mygov” tətbiqində ötürülən məlumat siyahısı ilə tanış olub icazə verdikdən sonra sərnişinin şəxsiyyət məlumatları avtomatik olaraq qeydiyyat sisteminə ötürülür və qeydiyyat prosesi daha sürətli, rahat və operativ şəkildə həyata keçirilir. Xidmət Bakı və Naxçıvan hava limanlarında tətbiq olunur. Qeyd edilib ki, rəqəmsal qeydiyyat xidməti alternativ xarakter daşıyır. Sərnişinlər istədikləri halda əvvəlki qaydada fiziki şəxsiyyət vəsiqəsini təqdim etməklə də qeydiyyatdan keçə bilərlər.