974 TON DİZEL YOLA SALINIB

974 TON DİZEL YOLA SALINIB AZƏRBAYCANDAN ERMƏNİSTANA NÖVBƏTİ YANACAQ İXRACI REALLAŞIB

Azərbaycandan Ermənistana dizel yanacağının tədarükü baş tutub.974 ton dizel yanacağı yüklənmiş 16 ədəd vaqondan ibarət qatar “Azərbaycan Dəmir Yolları” QSC-nin Biləcəri stansiyasından Böyük Kəsik stansiyası istiqamətində yola salınıb.Yük Gürcüstan ərazisindən tranzit keçməklə Ermənistana çatdırılacaq.Xatırladaq ki, sonuncu dəfə aprelin 14-də Azərbaycandan Ermənistana 1 298 ton dizel daşıyan 22 ədəd çən vaqon yola salınıb.İndiyədək Azərbaycandan Ermənistana 7610 ton dizel, 979 ton Aİ-92 benzini və 2955 ton Aİ-95 benzini ixrac olunub.Bu ölkəyə yanacaq ixracına 2025-ci dekabrın 18-də başlanılıb. Həmin gün Ermənistana 1 220 ton “Aİ-95” markalı avtomobil yanacağı tədarük edilib.