AZƏRBAYCANDA ORTA AYLIQ ƏMƏKHAQQI 1151 MANATA ÇATDI
AZƏRBAYCANDA ORTAAYLIQ ƏMƏKHAQQI 1151 MANATA ÇATDI ƏN YÜKSƏK MAAŞI HANSI SAHƏLƏRDƏ İŞLƏYƏNLƏR ALIR?
Azərbaycanda ortaaylıq əməkhaqqı 1 151 manata çatıb. Dövlət Statistika Komitəsinin məlumatına görə, 2026-cı ilin ilk rübündə maaş 2025-ci ilin eyni dövrü ilə müqayisədə 6,2 faiz artıb.Bu barədə millət vəkili Vüqar Bayramov sosial şəbəkə hesabında paylaşım edib.
Deputat bildirib ki, hazırda əmək müqaviləsi ilə çalışanların sayı 1 milyon 797 min nəfərdir. Onların 869 mini dövlət, 928 mini isə özəl sektorda çalışır.Ən yüksək maaş mədənçıxarma sənayesində qeydə alınıb. Bu sahədə çalışanların orta maaşı 4 581 manatdır. Maliyyə və sığorta sektorunda isə orta əməkhaqqı 2 814 manat təşkil edir. Bank sektorunda çalışanlar ölkədə ikinci ən yüksək əməkhaqqı alanlardır.Ən aşağı maaş kənd təsərrüfatı, meşə təsərrüfatı və balıqçılıq sahəsindədir — 720 manat. Ticarət və avtomobil təmiri sahəsində çalışanlar orta hesabla 768 manat maaş alırlar. Təhsil sektorunda orta maaş 824 manat, elm sahəsində isə 1 048 manatdır.Vüqar Bayramov qeyd edib ki, dövlət sektorunda maaşların artırılması və optimallaşdırılması vacib olaraq qalır.
