“BİONTECH”İN SƏHMLƏRİ 22% UCUZLAŞDI
“BİONTECH”İN SƏHMLƏRİ 22% UCUZLAŞDI COVID-19 PEYVƏNDİNİ YARADANLAR YENİ LAYİHƏYƏ BAŞLAYIR
Dünyanın ilk qeydiyyatdan keçmiş Covid-19 peyvəndini inkişaf etdirən Almaniyanın biotexnologiya şirkəti “BioNTech”in qurucuları Uğur Şahin və Özlem Türeci hazırkı rəhbərlik vəzifələrindən ayrılaraq yeni bir texnologiya şirkəti quracaqlar.Onlar yeni şirkətdə Covid-19 peyvəndinin arxasındakı mRNA texnologiyasına fokuslanacaqlar.Bu xəbərin ardından BioNTechin Frankfurt birjasındakı səhmləri təxminən 22% dəyər itirib. Dəyişikliklər 2026-cı ilin sonuna qədər tamamlanacaq. Nəzarət şurası Şahin və Türecinin vəzifələrini əvəz edəcək şəxsləri axtarır.Şirkət 2025-ci ildə 2,87 milyard avro gəlir əldə edib, lakin Covid-19 peyvəndlərinə tələbin azalması səbəbindən 2026-cı ildə gəlirin 2–2,3 milyard avroya düşəcəyi proqnozlaşdırılır. Qeyd edək ki, 2020-ci ildə “BioNTech” ABŞ-ın “Pfizer” şirkəti ilə birgə texnologiyasını istifadə edərək çox qısa müddətdə Covid-19-a qarşı ən çox satılan peyvəndi hazırlamışdı. Covid-19 pandemiyası dövründə mRNA peyvəndindən milyardlarla avro qazanan şirkət, 2030-cu ilə qədər onkologiya sahəsində bir çox dərman üçün lisenziya müraciəti etməyi planlaşdırır.
