DÜNYACA MƏŞHUR BRENDDƏ KİBERHÜCUM
DÜNYACA MƏŞHUR BRENDDƏ KİBERHÜCUM MÜŞTƏRİ MƏLUMATLARI TƏHLÜKƏDƏDİRMİ?
“Zara” və “Bershka” kimi tanınmış brendlərin sahibi olan İspaniyanın “Inditex” geyim korporasiyası serverlərinə qanunsuz müdaxilə edildiyini açıqlayıb.Şirkətdən verilən açıqlamada bildirilir ki, sözügedən bazalarda yalnız fərqli bazarlardakı istehlakçılarla olan ticari əlaqələrə dair detallar saxlanılıb. Şirkət vurğulayıb ki, müştərilərin ad-soyadları, əlaqə nömrələri, ünvanları, parolları, həmçinin bank kartı və digər maliyyə rekvizitləri kimi həssas məlumatlar tam qorunub. Korporasiya dərhal qoruyucu protokolları işə salaraq aidiyyəti qurumları məlumatlandırıb. Xatırladaq ki, ispan iş adamı Amansio Orteqa tərəfindən yaradılan “Inditex” hazırda dünyanın 100-ə yaxın ölkəsində 5 500-dək satış nöqtəsinə sahibdir.. Şirkət 2025-ci maliyyə ili üçün yəni 1 fevral 2025-dən 31 yanvar 2026-ci ilə qədər xalis gəlirinin 6.22 milyard avro təşkil edərək tarixi rekord həddə çatacağını proqnozlaşdırır.
