DÜNYANIN ƏN HÜNDÜR BİNASI TİKİLİR
DÜNYANIN ƏN HÜNDÜR BİNASI TİKİLİR LAYİHƏNİN TƏXMİNİ DƏYƏRİ 1 MİLYARD 191 MİLYON DOLLARDIR
Səudiyyə Ərəbistanındakı “Ciddə Qülləsi” dünya rekorduna doğru sürətlə irəliləyir. Bu möhtəşəm tikili bəşəriyyət tarixində 1 kilometr hündürlüyə çatan ilk memarlıq abidəsi olacaq. Layihənin təxmini dəyəri 885 milyon funt-sterlinq – 1 milyard 191 milyon ABŞ dolları qiymətləndirilir.2026-cı ilin aprel ayında “Ciddə Qülləsi” 100 mərtəbə həddini keçib və binanın hündürlüyü artıq 400 metri ötüb.İnşaatçılar 1000 metrlik son hədəfə çatmaq üçün işləri fasiləsiz davam etdirirlər.Tikinti başa çatdıqda qüllə hazırkı dünya rekordunu 180 metrdən çox üstələyəcək. Binada dəbdəbəli hotel, rezidensiyalar və ofis sahələri yer alacaq. Səyahətçilər üçün 644 metr hündürlükdə xüsusi panorama meydançası yaradılacaq, digər bir müşahidə meydançası isə binanın 157-ci mərtəbəsində fəaliyyət göstərəcək.Qeyd edək ki, hazırda dünyanın ən hündür binası Dubaydakı “Bürc Xəlifə”dir . Hündürlüyü 828 metr olan bu bina 2010-cu ildən bəri rekordu özündə saxlayır.
