QİDA İSRAFI REKORD SƏVİYYƏDƏ
QİDA İSRAFI REKORD SƏVİYYƏDƏ BİR İLƏ 1,3 MİLYARD İNSANI DOYURACAQ ƏRZAQ TULLANTIYA ÇEVRİLİR
BMT-nin Ərzaq və Kənd Təsərrüfatı Təşkilatının məlumatına görə, dünyada hər il təxminən 1 trilyon dollar dəyərində ərzaq itirilir və ya tullantıya çevrilir.Hesabata əsasən, istehsal olunan qidanın təxminən üçdə biri ya itirilir, ya da israf edilir. Bu qədər ərzaqla 1,26–1,3 milyard insanı bir il ərzində qidalandırmaq mümkün olardı.FAO bildirir ki, ərzağın 14 faizi istehsal və daşınma mərhələsində itirilir. Bu, təxminən 400 milyard dollarlıq zərər deməkdir. Daha 17 faiz isə istehlak zamanı tullantıya çevrilir. Ümumilikdə qlobal itki hər il təxminən 936 milyard dollar olaraq qiymətləndirilir. Hesabatda qeyd olunur ki, dünyada ət istehsalı son onilliklərdə xeyli artıb. Xüsusilə quş əti istehsalı 1961-ci ildən bəri təxminən 6 dəfə çoxalıb. Donuz əti, yumurta və süd istehsalında da artım qeydə alınıb.Regionlar üzrə isə ən böyük istehsal Asiyada, sonra Avropada qeydə alınır. Adambaşına düşən istehsalda isə Şimali Amerika liderdir.
