WUF13 ÇƏRÇİVƏSİNDƏ BİZNES VƏ İNNOVASİYA MƏRKƏZİ FƏALİYYƏT GÖSTƏRƏCƏK
WUF13 ÇƏRÇİVƏSİNDƏ BİZNES VƏ İNNOVASİYA MƏRKƏZİ FƏALİYYƏT GÖSTƏRƏCƏK DÜNYA ÜZRƏ 10 ÖLKƏDƏN SEÇİLƏN 14 STARTAP LAYİHƏSİ TƏQDİM EDİLCƏCƏK
17-22 may tarixlərində Bakıda keçiriləcək Ümumdünya Şəhərsalma Forumunun 13-cü sessiyası çərçivəsində yeni Biznes və İnnovasiya Mərkəzi fəaliyyət göstərəcək. AZERTAG xəbər verir ki, əsas məqsəd mənzil təminatının real təcrübədə necə həyata keçirildiyini göstərmək və səmərəli əməkdaşlıq və əlaqələndirmə üçün platforma yaratmaqdır. Biznes və İnnovasiya Mərkəzinin səhnəsində “Şəhərsalma dəyər zəncirinin praktik tətbiqi” mövzusunda 15 sessiya keçiriləcək.Burada şirkətlər, startaplar və müxtəlif biznes qurumları öz layihələrini nümayiş etdirəcək, dayanıqlı şəhərlər və mənzil problemlərinin həlli yollarını müzakirə edəcəklər.Tədbirdə həm iri şirkətlər, həm də kiçik və orta biznes nümayəndələri iştirak edəcək. Əsas diqqət innovasiya, texnologiya və yeni şəhərsalma yanaşmalarına yönələcək.
Həmçinin Biznes və İnnovasiya Mərkəzində yeni yaradılan şirkətlərin və gənc sahibkarların öz innovasiyalarını nümayiş etdirmələri üçün xüsusi məkan – Startap Pavilyonu təqdim olunacaq.Bütün dünya üzrə 10 ölkədən seçilmiş 14 startap layihəsinin iştirakı edəcəyi Pavilyonun məqsədi yeni subyektlərin səsinə səs vermək və həm mənzil təminatının, həm də şəhərsalma problemlərinin həlli üçün miqyaslanan ideyaları ön plana çıxarmaqdır.
